Јас сум Анастасија, дипломиран психолог, со завршена едукација по Интегративна психотерапија и Гешталт психотерапија. Исто така, работам и како училишен психолог во основно училиште, а најголемото мое работно искуство е во работа со деца и адолесценти, индивидуална и групна работа, како и поддршка и советување на семејства.

Досега сум имала можности да работам на проекти за млади за развивање на социоемоционални и комуникациски вештини како и нивна поддршка во областа на менталното здравје.

Покрај ова, сум и долгогодишен соработник и член во Црвен Крст каде за прв пат во Кавадарци го основавме Психолошкото советувалиште, а за време на пандемијата со Ковид-19, работев и на линиите за ППП и ПСП и онлајн советување и психотерапија. 
Она што ми е особено значајно во психотерапевтскиот процес е релацијата со клиентот и исполнување на таа релација со грижа, топлина, прифаќање и самоодговорност, што е клучно во решавањето на одредени проблематики кои се појавуваат, како и зголемувањето на свесноста за грижата за себе, личниот раст и јакнење на самоподдршките кај личноста. За себе би можела да кажам дека сум едноставна и практична личност. Сакам долги прошетки во природа заедно со семејството, а она што ме опушта и ми ја менува и нафополнува енергијата е играта со моите две деца, слушањето музика, како и вежбањето јога.